തിരുവനന്തപുരം: കോവിഡ് വ്യാപനം രൂക്ഷമായി തുടരുന്ന സാഹചര്യത്തില് സംസ്ഥാനത്ത് നാളെ(30.1.2022) ലോക്ക് ഡൗണിന് സമാനമായ നിയന്ത്രണങ്ങള് ഏര്പ്പെടുത്തും. വിവാഹ, മരണാനന്തര ചടങ്ങുകളില് 20 പേര് മാത്രമേ പങ്കെടുക്കാവൂ. അനാവശ്യമായി പുറത്തിറങ്ങാന് പാടില്ലെന്നും അധികൃതര് അറിയിച്ചിട്ടുണ്ട്.
പഴം, പാല്, പച്ചക്കറി, പലവ്യഞ്ജനം, മീന്, ഇറച്ചി എന്നിവ വില്ക്കുന്ന കടകള്ക്ക് രാവിലെ 7 മുതല് രാത്രി 9 മണി വരെ പ്രവര്ത്തിക്കാന് അനുമതിയുണ്ട്. മാധ്യമ സ്ഥാപനങ്ങള്, മരുന്നുകടകള്, ആംബുലന്സ് എന്നിവയ്ക്കും പ്രവര്ത്തിക്കാം. ചികിത്സയ്ക്കും വാക്സിനേഷനും യാത്ര ചെയ്യാം. മറ്റ് യാത്രകളില് കാരണം വ്യക്തമാക്കുന്ന രേഖ കയ്യില് കരുതണം. ഹോട്ടലുകളിലും ബേക്കറികളിലും പാഴ്സല് മാത്രമേ പാടുള്ളൂ. ദീര്ഘദൂര ബസുകളും ട്രെയിനുകളും സര്വീസ് നടത്തും. കഴിഞ്ഞ ഞായറാഴ്ചയും ലോക്ക് ഡൗണിന് സമാനമായ നിയന്ത്രണങ്ങള് ഏര്പ്പെടുത്തിയിരുന്നു.
Post a Comment