ന്യൂഡല്ഹി* | ജനങ്ങള്ക്ക് അമിതഭാരം നല്കി, ഗാര്ഹികാവശ്യത്തിനുള്ള പാചകവാതക വില വീണ്ടും കൂട്ടി. സിലിണ്ടറിന് 50 രൂപയാണ് കൂട്ടിയത്.
ഇതോടെ പുതിയ വില 1,006.50 രൂപയായി ഉയര്ന്നു. 956.50 രൂപയായിരുന്നു 14.2 കിലോ ഗാര്ഹിക സിലിണ്ടറിന്റെ നേരത്തെയുള്ള വില.
കഴിഞ്ഞയാഴ്ച വാണിജ്യ പാചക വാതക വിലയും വര്ധിപ്പിച്ചിരുന്നു. 19 കിലോഗ്രാം വാണിജ്യ എല്.പി.ജി സിലിണ്ടറിന് 102.5 രൂപയാണ് കൂട്ടിയത്. ഇതോടെ നേരത്തെയുണ്ടായിരുന്ന 2,253 രൂപയില്നിന്ന് വില 2,355 രൂപയായി ഉയര്ന്നു. അഞ്ച് കിലോ എല്.പി.ജി സിലിണ്ടറിന്റെ വില 655 രൂപയാണ്.
ഏപ്രില് ഒന്നിന് 19 കിലോഗ്രാം വാണിജ്യ എല്.പി.ജി സിലിണ്ടറിന് 250 രൂപ വര്ധിപ്പിച്ച് 2,253 രൂപയിലെത്തിച്ചിരുന്നു. സമാന രീതിയില് മാര്ച്ച് ഒന്നിനും 105 രൂപ വര്ധിപ്പിച്ചു. നിരന്തരം പാചക വാതകത്തിന് വില വര്ധിപ്പിക്കുന്ന സാധാരണക്കാരുടെ ജീവിതത്തെ താളംതെറ്റിക്കും.
إرسال تعليق